८० हजारांची लाच स्वीकारताना दोन बडे अधिकारी जाळ्यात

लाचलुचपतची कोल्हापुरात धडाकेबाज कामगिरी

इचलकरंजी: जिल्हा परिषदेकडील १९ केंद्र शाळांना पुरवलेल्या गणवेशाचे बिल काढण्यासाठी ८० हजारांची लाच स्वीकारताना महिला आर्थिक विकास महामंडळाचे दोन अधिकारी आज लाचलुचपतच्या जाळ्यात सापडले.

महिला आर्थीक विकास महामंडळाचा जिल्हा समन्वय अधिकारी सचिन सिताराम कांबळे (वय ४५ वर्षे रा. महालक्ष्मी टेरेस अपार्टमेन्ट ए ४०२, दुसरा मजला देवकर पानंद कोल्हापूर) व महिला आर्थीक विकास महामंडळाचा सहायक सहनियंत्रक उमेश बाळकृष्ण लिंगनुरकर (वय ४६ रा. २८७५ सी वॉर्ड समाज मंदिर जवळ, सिध्दार्थ नगर कोल्हापूर) अशी त्यांची नावे आहेत.

यातील तक्रारदार यांचे कोल्हापूर येथे कपडे तयार करण्याचे युनिट आहे. ते जिल्हा परिषद तसेच साजगी शाळांचे शालेय गणवेश तयार करुन देण्याचे काम घेत असतात. महिला आर्थीक विकास महामंडळ कडून करवीर तालूका येथील १९ केंद्र शाळांना गणवेश पुरवठा करण्याचे काम तक्रारदार यांच्या ओळखीच्या स्वयंसहाय्यता महिला समुहास मिळाले होते. त्यांचे वतीने तक्रारदार यांनी सदरचे काम पुर्ण करण्याचे व काम पुर्ण आल्यानंतर बिल मिळणेबाबतचे काम त्यांचे वतीने करण्याचे त्यांचेत ठरले होते. त्याप्रमाणे तकारदार यांनी सदरचे काम पूर्ण करून महिला गटास दिले. सदर शालेय गणवेश तयार करण्याचे कामाचे एकुण बिल १८,३५,८१४ रुपये इतके झाले होते. त्यापैकी तकारदार यांनी महिला आर्थीक विकास महामंडळ यांचेकडे केलेल्या पाठपुराव्यानंतर १४,३५,००० रुपये बिल स्वयंसहाय्यता महिला समुहाच्या बँक खात्यामध्ये वेळोवेळी जमा झाले. ते तकारदार यांना मिळाले.

त्यानंतर शिल्लक राहीलेले बिल मंजुर करावयाचे असले तर ८०,००० रुपये हे दयावे लागतील असे सांगून तक्रारदार यांच्याकडे ८०,००० रूपयांची लाचेची मागणी केली होती. त्यानंतर तक्रारदार यांनी अँटी करफान ब्युरो कोल्हापूर येथे तकार दिलेली होती.सचिन सिताराम कांबळे व उमेश बाळकृष्ण लिंगनुरकर यांनी तकारदार यांचेकडे ८०,००० रूपयांची लाच मागणी केलेचे निष्पन्न झाले.त्यानंतर सापळा रचून लोकसेवक उमेश बाळकृष्ण लिंगनुरकर यास ८०,००० रूपये लाच रक्कमस्विकारलेने त्यांना रंगेहाथ पकडणेत आले.दोघा विरूध्द लक्ष्मीपूरी पोलीस ठाणे, कोल्हापूर येथे गुन्हा दाखल करण्याची प्रक्रिया सुरू आहे.

सदरची कारवाई पोलीस उपआयुक्त शिरीप सरदेशपांडे, अपर पोलीस अधीक्षक विजय चौधरी यांच्या मार्गदर्शनानुसार पोलीस उप अधीक्षक श्रीमती वैष्णवी सुरेश पाटील, आसमा मुल्ला, पोलीस निरीक्षक प्रकाश भंडारे, सहा. पोलीस उपनिरीक्षक विकास माने, पो.हे. कॉ. संदिप काशीद, पो.ना.सचिन पाटील, पो.कॉ. कृष्णा पाटील यांनी केली.